روحـــــــــ فداك ـــــــــــي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

غبي متهم بجريمه قتل

اذهب الى الأسفل

غبي متهم بجريمه قتل Empty غبي متهم بجريمه قتل

مُساهمة من طرف m-a-t-a الثلاثاء يناير 13, 2009 7:22 am

--------------------------------------------------------------------------------

قتل في قتل

سلاآآآآآآآآآآآآآم
كيفكــم انشــاءالله بخيــر؟
أليوم قريت قصه و ضحكت عليها وحبيت انقلها وأكتبها لكم ,,

تبدأ أحداث القصه في أحدى المدن ..
لشخص غبي وعلى نيته ..
الضابط : انت متهم بجريمة قتل
الغبي : بس والله انا ما أكلت دجاج اليوم !!
الضابط : انت تستهبل ... ؟؟ (( قالها واهو معصب ))
الغبي : لا والله ما استهبل ... بس الجوع كافر ... شسوي ؟؟؟ مظطر !!
الضابط : اها .... يعني تعترف ؟؟؟ انك انت المجرم ؟؟
(( ويخزه بنظرة حقد ))
الغبي : اي نعم أعترف أنا المجرم
الضابط : أبيك توصف لي شلون قتلتها
الغبي : اول شي شفتها تتمشى بالحوش وتاكل حب
وبعدين لحقتها .... أبي أصيدها ...
قامت تركض ... تركض
وانا أركض وراها ....
تركض .... وأنا أركض وراها ..
تركض وانا أركض وراها ....
واهي تركض ..... وانا
الضابط : وبعدين شصار عقب ما ركضت وراها ؟؟؟
(( طبعا معصب )) ...
الغبي : حكرتها بالزاويه وقلت لها ان تحركتي بذبح عيالك كلهم وأقليهم
الضابط : ومهددها بعد ؟؟؟؟ ..... وتبي تذبح عيالها ؟؟؟
الغبي : شسوي ... انا مظطر ... أروح أمد ايدي للناس ولا أذبحها ؟
الضابط : قال باستهزاء ......... لا اذبحها أحسن واذبح عيالها
الغبي : شفت شلون اني مسكين ومظطر ؟؟؟
الضابط : لاتستهبل (( ويلكه كف على عينه )) ...
الغبي : ليش يا حجي انا ما ذبحتها الا وانا ماخذها بالحلال
الضابط : يعني كنت متزوجها ؟؟؟؟
الغبي : لا ماتزوجتها !!
الضابط : هذي جريمه ثانيه غير انك ذابحها... كنت معاها بوضع مشبوه @@
الغبي : استغفر الله العظيم ... لا انا ما اسوي جذي
الضابط : كمل لي السالفه أول وبعدين يصير خير .... شلون ذبحتها ؟؟؟
الغبي: ..... بالسكين
الضابط : وين الجثه ؟؟؟
الغبي : تحللت خلاص ..
الضابط : وين يعني ؟؟؟؟
الغبي : الحين وصلت المجاري ...
الضابط : (( يتصل على العمليات بانهم يبحثون بالمجاري عن الجثه )) ....
الو الو عمليات ..... المجرم اعترف والجثه بالمجاري ...
الغبي : ياحضرة الظابط ... شلون بتعرفونها؟؟؟؟
في شغلات وايد معاها ....
الضابط : شنو معاها ؟؟؟؟ لايكون في جثث ثانيه ؟؟؟؟
الغبي : الصراحه ايه .... في أكثر من جثه
الضابط : عمليات عمليات الو الوووووووووو الووو ... في اكثر من جثه .... كثفوا الوحدات !!!!!!
وابحثوا في كل المناطق ... المجرم اعترف ... انه في اكثر من جثه ...
الغبي : يرجف من الخرعه ويقول (( شنو راح تسوون فيني؟؟؟؟ ))
الضابط : راح تتحاكم ويمكن تاخذ مؤبد أو اعدااااااام
الغبي: طاح غشيان من الخرعه ....
يصحونه ويكبون عليه ماي ....
الغبي : هاااااا شنو ؟؟ منو ؟؟؟؟ انا وين ؟؟؟؟؟؟ والله ما سويت شي ؟؟؟
الضابط : كل هذا ما سويت شي؟؟؟؟؟؟
الغبي : يا حضرة الظابط كنت يوعان وشفتها وذبحتها وأكلتها
الضابط : أكلتها؟؟؟؟؟؟؟؟ ...... شلون تقولها انها بالمجاري ؟؟؟؟؟
الغبي : اي نعم اهي بالمجاري .....
الضابط : انت عبيط ولا تستعبط وتسوي نفسك غبي ؟؟؟؟
الغبي : والله ما استعبط .... هذا اللي صار والله
الضابط : في أحد يذبح انسان وياكله ؟؟؟؟ ويقطه بالمجاري ؟؟؟؟
انت شنو ؟؟؟؟؟ وحش؟؟؟؟ ذيب ؟؟؟؟
الغبي : يطالع الظابط باستغراب ...
ويقول .....
بس انا ما اكلت انسان !!! ..... ولا ذبحت انسان وقطيته بالمجاري
الضابط : لا تجذب .... توك قايل لي
الغبي : أنا أقصد (( الدجاجه ))
الضابط : أي دجاجه ؟؟؟؟؟
الغبي : اللي اشتريتها من بوعلي راعي الدجاج ..... وذبحتها وطبختها وأكلتها
الضابط : يعني انت ذابح دجاجه ؟؟؟؟
الغبي : اي نعم .... دجاجه
الضابط : وشنو قصة المجاري؟؟؟؟
الغبي : ياحضرة الظابط .. أي شي ينوكل .. يتحلل بالبطن .... ومع احترامي لك ...
يروح بالمجاري
الضابط : عمليات عمليات ..
مافي جثه ولا في شي بالمجاري ..... غير دجاجه معفنه ومتحلله

أنا لو مكان الضابط كــان ذبحته هههههههههههههههههههههههاي
m-a-t-a
m-a-t-a
المدير العام
المدير العام

ذكر
عدد الرسائل : 253
العمر : 32
العنوان : جــــــ حي الصفاــــــــده
الترفيه : فرفره في الشوارع وتهبيق من المرسه
الدماغ : يوم مبسوط ويوم قافله
الدوله : غبي متهم بجريمه قتل Qtfnet.netc39ad21b35
الهوايه : غبي متهم بجريمه قتل Qtfnet.net207b15a100
المزاج : غبي متهم بجريمه قتل Qtfnet.net71f484f321
تاريخ التسجيل : 31/10/2008

https://mata.mam9.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى